विद्यार्थीको करियर निर्माण तथा अस्ट्रेलिया बसाईमा सहयोग गर्ने मेलाको मूख्य उद्देश्य : वसन्त पोखरेल
अस्ट्रेलियामा पढिरहेका र नयाँ विद्यार्थीहरु दुवैको लागि शैक्षिक मेला लाग्ने भएको छ। विगत १५ वर्ष देखि विद्यार्थीहरुलाई शिक्षा र बसाईसराइ सम्बन्धमा आवश्यक परामर्श तथा सहयोग दिंदै आएको एक्स्पर्ट एजुकेसन एण्ड भिजा सर्भिसेजले यस मेलाको आयोजना गरेको हो । ‘एक्स्पर्ट एजुकेशन एण्ड माइग्रेसन फेयर’ नाम दिइएको यो मेला बुधबार जुन २७ मा हुँदैछ ।
‘एक्स्पर्ट एजुकेशन एण्ड माइग्रेसन फेयर’ को सन्दर्भमा रहेर हामीले फेयरको आयोजक संस्था एक्स्पर्ट एजुकेशन एण्ड माइग्रेसन सर्भिसेजका म्यानेजर वसन्त पोखरेलसंग कुराकानी गरेका छौं । प्रस्तुत छ उहाँसंग गरिएको छोटो-मीठो जानकारीमुलक कुराकानी :
एजुकेसन फेयरको तयारी कस्तो चल्दै छ ?
मेलालाई बढी भन्दा बढी व्यवस्थित र प्रभावकारी बनाउने सोंच अनुरुप हामीले काम सुरु गरेका थियौं । त्यसको लागि समयलाई ख्याल राख्दै काम गरिएकोले तयारी समपन्न भइसकेको छ ।
यो एजुकेशन फेयरको मूख्य उद्देश्य चाहिं के हो ?
हामीकहाँ आउने विद्यार्थीहरुलाई आवश्यक परामर्श तथा सहयोग त हामीले दिन्थ्यौं नै । तर, धेरै विद्यार्थीहरु कोर्स, युनिभर्सिटी , कलेज, भिजा, ट्याक्स, इन्सुरेन्स आदिलाई लिएर अल्मलिइरहेका हुन्छन् । उनीहरु मध्ये कति कन्सल्टेन्सीमा पुगेका हुँदैनन् र पुगेकाहरुले पनि सही बाटो पहिल्याउन सकेका हुँदैनन् । धेरै विद्यार्थीहरुलाई यिनै कुराले गर्दा अभिभावकत्वको खाँचो महसुस भइरहेको हुन्छ । उनीहरुले निर्णय लिन सकिरहेका हुँदैनन् । यदि इन्सुरेन्सका प्रतिनिधि देखि युनिभर्सिटी देखि कलेज सम्मका प्रतिनिधिहरुसंग यदी हामीले उनीहरुको भेट गराउन सक्यौं भने, उनीहरुले प्रत्यक्ष कुराकानी गरेर आफ्नो जिज्ञासा मेटाउन सक्नेछन् । साना-तिना जिज्ञासा लिएर कन्सल्टेन्सी धाउनु पर्ने अवस्था पनि रहन्न भने उनीहरु आफैले निर्णय लिन सक्नेछन् र कतैबाट ठगिएको महसुस गर्नेछैनन् । त्यसैले यो फेयरको मूख्य उद्देश्य भनेको अष्ट्रेलियामा रहेका नेपाली विद्यार्थीहरुलाई करियर निर्माणमा सहयोग साथै अस्ट्रेलियाको बसाईलाई सहज बनाउन सहयोग गर्नु हो ।
त्यसको लागि फेयरमा के-के कुराहरु उपलब्ध हुनेछन् ?
फेयरमा अस्ट्रेलियाका उत्कृष्ट युनिभर्सिटी तथा कलेजहरुका प्रतिनिधिहरु हुनेछन् । उनीहरुसंग विद्यार्थीले व्यक्तिगत रुपमा नै कुराकानी गर्न सक्नेछन् । छात्रवृत्ति उपलब्ध भए नभएको र त्यसको लागि प्रक्रिया तथा योग्यता पनि बुझ्न सक्नेछन् । यहा थुप्रै सस्तो र राम्रो हेल्थ इन्सुरेन्सको बारेमा पनि जानकारी दिइने छ । जसले गर्दा विद्यार्थीले इन्सुरेन्सको आवश्यकता, इन्सुरेन्स गर्ने सही प्रक्रियाको बारेमा जानकारी लिन सक्नेछन् । त्यस्तै ट्याक्स पे र ट्याक्स रिटन सम्बन्धी सम्पूर्ण जानकारी दिइनेछ । र, ट्याक्सको काममा विशेष छुट उपलब्ध हुनेछ ।
फेयरमा PTE र NAATI सम्बन्धि केहि विशेष रहनेछ की?
हो, PTE भनेको के हो, कसरि गर्ने, यसको महत्व के छ भन्ने सबैकुरा विद्यार्थीले बुझ्न सक्नेछन् । मेलामा सहभागी हुने र PTE गर्न चाहने विद्यार्थीलाई विशेष छुटको व्यवस्था गरिएको छ । त्यस्तै NAATI सम्बन्धि पनि विद्यार्थीले सम्पूर्ण जानकारी लिनुका साथै विशेष छुट प्राप्त गर्न सक्नेछन् ।
पछिल्लो समय अस्ट्रेलियामा रहेका विद्यार्थीहरु क्यानबेरा, तस्मनिया जस्ता ठाउँहरु तिर बढी आकर्षित छन् । यसमा विद्यार्थीहरुलाई कस्तो सुझाव दिन चाहनुहुन्छ ?
फेयरमा यो कुरालाई पनि सम्बोधन गरिनेछ । मैले अहिले व्यक्तिगत रुपमा सुझाव दिनुभन्दा पनि मेलामा आएर विद्यार्थीहरुले त्यस सम्बन्धि सम्पूर्ण जानकारी लिन सक्नेछन् । एजुकेशन फेयरमा ती ठाउँहरु, भिसा, सुविधा, अवसर सबैकुरालाई विद्यार्थीले बुझ्न सक्नेछन् ।
फेयरमा कति विद्यार्थीहरु सहभागी हुने आशा राख्नुभएको छ ?
केही विद्यार्थीहरुले त पहिले नै रजिस्टर गरिसक्नुभएको छ । विद्यार्थीहरुको उत्साह र फेयरको सबै कुरा हेर्दा कम्तिमा पनि २०० विद्यार्थी सहभागी हुने आशा राखेका छौं । सहभागी विद्यार्थीलाई गुडी ब्याग, आइप्याड जस्तो अफर राखेको छौं । त्यो अफर सहभागी हुने पहिलो ५० जनाले पाउन सक्नुहुनेछ । त्यसको साथै हल्का खाजाको व्यवस्था पनि गरिएको छ ।
अन्त्यमा, विद्यार्थीहरुलाई केही भन्न चाहनुहुन्छ ?
यो एजुकेशन फेयर सबै विद्यार्थीहरुको लागि एउटा राम्रो अवसर हो । त्यसैले फेयरमा आएर लाभ उठाउनको लागि सम्पूर्ण विद्यार्थीलाई अनुरोध गर्छु । थप सहयोगको लागि एक्स्पर्ट एजुकेशन एण्ड भिजा सर्भिसेज सधै विद्यार्थीहरु संगै हुनेछ ।