Ausmandu
Connecting Nepal And Australia.

अस्ट्रेलियन खेलाडीले आफूलाई ‘ओसामा’ भनेको मोइन अलिको दाबी

इंग्ल्याण्डका अलराउण्डर मोइन अलिले अस्ट्रेलियन खेलाडीले आफूलाई खेल मैदानमै ‘ओसामा’ भनेको दाबी गरेका छन् । उनले अस्ट्रेलियाका टिमका खेलाडीहरु अशिष्ट, अभद्र, अरु व्यक्तिलाई सम्मान गर्न नजान्ने भनेर उल्लेख गरेका छन् ।

अलिका अनुसार, इंग्ल्याण्डमा सन् २०१५ मा आयोजना भएको एसेजमा उनलाई अस्ट्रेलियन खेलाडीले ,‘त्यो ओसामालाई आउट गर ’ भनेका थिए। अलिले भनेका छन् ,” अझै सम्झिन्छु, त्यसबेला म निकै रिसाएको थिएँ । क्रिकेटका दौरान म त्यति धेरै कहिले पनि रिसाएको थिइन । ” अलिले ती खेलाडीको नाम भने सार्वजनिक गरेका छैनन् ।

त्यसपछि ती खेलाडीलाई अस्ट्रेलियन टिमका तत्कालीन प्रशिक्षक लेहम्यानले सोध्दा, उनले आफूले ओसामा नभएर पार्ट टाइमर भनेको बताएका थिए । तर, अलिले भने ती खेलाडीले आफूलाई ओसामा नै भनेको तर पछि झुट बोलेको बताएका छन्।

Related Posts

यी कुरा अलिले छिट्टै विमोचन हुने आत्मवृत्तान्तमा उल्लेख गरेका छन् । क्रिकेट अस्ट्रेलियाले यसले क्रिकेटमा मात्र नभएर समाजमा पनि गम्भीर असर पर्ने भन्दै यो कुरालाई गम्भीर रुपमा लिएको र इंग्ल्याण्ड क्रिकेट बोर्डसँगै अनुसन्धान गर्ने बताएको छ।

Source : www.smh.com.au

Get real time updates directly on you device, subscribe now.

Comments
Loading...

This website uses cookies to improve your experience. We'll assume you're ok with this, but you can opt-out if you wish. Accept