फिफा बर्ष खेलाडीको सूची सार्वजनिक, मेस्सी परेनन्
विश्व फुटबल महासंघ फिफाले यस बर्षको उत्कृष्ट तीन पुरुष खेलाडीको सुची सार्वजनीक गरेको छ । सोमबार सार्वजनीक भएको उक्त सुचीमा शीर्ष तीन खेलाडीमा क्रिस्टियानो रोनाल्डो, मोहमद सालाह र लुका मोड्रिच परेका छन् ।
अर्जे्न्टिनी फुटबल स्टार लियोनल मेस्सी भने यस पटकको सूचीमा अटाएनन् । मेस्सी विगत केही वर्ष देखि उक्त सूचीमा पर्दै आएका थिए । तर यस पटकको सूचीले भने उनका प्रशंसकहरुलाई निराश बनाएको छ ।
हालै सम्पन्न विश्वकपको ह्याट्रिककर्ता रोनाल्डो, इजिप्टलाई विश्वकपमा छनोट गराउने सालाह र क्रोएसियालाई फाईनलमा पुर्याएका मोड्रिच फिफाको उक्त सूचीमा परेका छन् ।
त्यस्तै, वर्ष प्रशिक्षकमा रियाल मड्रिडका पूर्व प्रशिक्षक जिनेदिन जिदान, फ्रान्सेली प्रशिक्षक डिडियर डेसच्याम्प र क्रोएसियाली राष्ट्रिय फुटबल टिमका प्रशिक्षक डालिस अन्तिम सुचिमा अटाएका छन् ।