The main intention of Ausmandu is to provide information, entertainment and inspiration. It is run by young minds and may have some lackings, your valuable suggestions are highly appreciated. Throw us an Email: [email protected]
आफ्नो बाल्यकालको ‘क्रस’ लाई ६० वर्षपछि फेसबुकमा भेटेपछि गरे विवाह
लभ र ब्रेकअप आजकल सामान्य जस्तै हुन लागेको छ । आज लभ परेकाहरुको पर्सि ब्रेकअप भइसक्छ ।
तर, बेलायतको एक जोडीले भने वर्तमान समयका प्रेमी प्रेमीकाहरुलाई प्रेमको गतिलो पाठ सिकाएका छन् । एरिक बोग्लिअनेले आफ्नो बाल्यपनको क्रससंग विवाह गरेका छन् ।
अचम्म लाग्दो कुरा यो हो कि, एरिकले एलेनलाई सानै उमेरमा मन पराउँथे। एरिक सात वर्षको हुँदा एलेन उनको क्रस थिइन् । एरिकले एलेनलाई त्यतिबेला नै बताउन चाहन्थे , तर हजुरआमाले उनलाई उमेर सानै भएकोले त्यस्ता कुरा नगर्न भनेर सिकाइन् ।
त्यसैले एरिकले आफ्नो भावना एलेनलाई भन्न सकेनन् । बालापनमै छुट्टीएका उनीहरुले करिब ६० वर्षसम्म एक-अर्कालाई देखेनन् , तर उनीहरुले एक-अर्कालाई भुलेका भने थिएनन् । यस्तैमा उनीहरुले फेसबुकमा एक-अर्कालाई भेटे ।
फेसबुकमा भेटीएपछि उनीहरु निकै खुशी भए । त्यसपछि लगातारको कुराकानीले झन् सामिप्यता बढ्दै गएपछि उनीहरुले गत शनिबार विवाह गरेका छन् ।
एरिकले बिबिसी संगको कुराकानीमा भनेका छन् ,” यदि फेसबुक हुँदैनथ्यो भने, हामीहरुको भेट पनि हुँदैनथ्यो होला ” ।
Source : au.news.yahoo.com
