The main intention of Ausmandu is to provide information, entertainment and inspiration. It is run by young minds and may have some lackings, your valuable suggestions are highly appreciated. Throw us an Email: [email protected]
सिड्नीबाट बिशाल गौतमको ‘नजाऊ रेलिमाई’ म्युजिक भिडियो सार्वजनिक
अष्ट्रेलियाको सिड्नीमा वसोवास गर्दै आएका बिशाल गौतमले नयाँ म्युजिक भिडियो सार्वजनिक गरेका छन् । यसअघि ‘गाजलु आँखाले’ म्युजिक भिडियो ल्याएर दर्शक-श्रोताको माया बटुलेका उनले अहिले ‘नजाऊ रेलिमाई’ बोलको म्युजिक भिडियो ल्याएका हुन् ।
बिशाल गौतम सांगीतिक क्षेत्रमा बहुप्रतिभाशाली युवा हुन् । यसअघिको गीतमा जस्तै ‘नजाऊ रेलिमाई’ मा पनि शब्द, संगीत तथा स्वर बिशाल स्वयम्को रहेको छ । गीतमा शब्द संयोजन उदय राज पौडेलले गरेका हुन् ।
सुन्दा रमाइलो र नाचूँ नाचूँ लाग्ने उक्त गीतमा भीमफेदी गाइजले नृत्य गरेका छन् । म्युजिक भिडियोमा नायिकाको भूमिकामा सृष्टि खड्काले अभिनय गरेकी छिन्। म्युजिक भिडियोलाई प्रकाश धितालले निर्देशन गरेका हुन् भने पवन पुस्लिंगले सम्पादन गरेका हुन् । ज्ञानेन्द्र शर्माले छायांकन तर्फ प्रशंसायोग्य काम गरेका छन् ।
