The main intention of Ausmandu is to provide information, entertainment and inspiration. It is run by young minds and may have some lackings, your valuable suggestions are highly appreciated. Throw us an Email: [email protected]
कविता : पुरुषत्व
रात,
एकान्त,
अँध्यारो
केही नखोज,
म आँफै बोलाउँछु तिमीलाई
आऊ,
मलाई बलात्कार गर !
र प्रमाणित गर
आफ्नो पुरुषत्व !!
तिम्रा पत्थर फोड्न सक्ने
बलिया हत्केलाले
थुन्नु पर्दैन मेरो मुख ;
म चिच्च्याउने छैन ,
तिम्रै उमेरको मेरो दाइले
पोहोर भाइटिकामा दिएको
मेरै सलले बाँध्नु पर्दैन
मेरा हात ;
म छट्पटाउने छैन |
आऊ ! मेरो स्तन गिथोल
आऊ ! मेरा बतिला स्तन निचोर !!
म सहनेछु चुपचाप
तर ,
बिन्ती एकपटक सम्झनु,
गोबर्द्धन पर्वत जस्तै
आफ्नी आमाको लाम्टा !
जुन गोबर्द्धन पर्वत रसाएर
तिमीमा यो बल भरेको छ !!
तिमी मेरो योनी भोग्न
आतुर छौ ,
आऊ
तिमीलाई म अधैर्य पार्दिन
तर
मेरो कोपिला योनी भोग्नुपूर्व
एक पटक सम्झनु
मन्दिर जस्तै पवित्र
आफ्नै आमाको रक्ताम्य योनी !
जुन योनीबाट
विर्यको रुपमा पसेर
जीवन बनेर ,
धड्कन बोकेर
अझ भनूँ,
तिमीलाई पुरुष बनाउने
लिंग लिएर
निस्केका थियौ !!
तिमीलाई
किन चाहियो रात?
किन चाहियो एकान्त ?
किन चाहियो अँध्यारो ?
तिमी त पुरुष हौ !
म आँफै बोलाउँछु
नयन बिच्छयाएर
आऊ मलाई बलात्कार गर !
पटकपटक
सिनो खाएर गिद्द नअगाउँदासम्म
म आँखालाई मरुभूमी बनाईदिउँला !!
अनि मारिदेउ मलाई !!
मर्ने मान्छेको अन्तिम इच्छा
पुरा गर्छौ नि हैन ?
मेरो अन्तिम इच्छा;
मलाई बलात्कार गरेको दृश्य
आफ्नी आमालाई देखाउनु
ताकी उनले पनि देखुन
तिम्रो पुरुषत्व !!
#justicefornirmala
– वासु पुष्पा अधिकारी
डण्डा, नवलपरासी
हाल : मुगलानबाट
( हजुरहरुसंग पनि यस्तै आफ्ना लेख रचना छन् भने हामीलाई पठाउन सक्नुहुनेछ ..)
