The main intention of Ausmandu is to provide information, entertainment and inspiration. It is run by young minds and may have some lackings, your valuable suggestions are highly appreciated. Throw us an Email: [email protected]
वेस्टर्न अस्ट्रेलियाले विद्यार्थीहरुको लागि नयाँ अकुपेसन लिष्ट ल्याउने, यस्तो छ कारण
वेस्टर्न अस्ट्रेलिया सरकारले विद्यार्थीहरुको लागि नयाँ अकुपेशन लिस्ट ल्याउने भएको छ । बिहिबार सार्वजनिक भएको सुचना अनुसार, दक्ष र प्रतिभावान विद्यार्थीलाई वेस्टर्न अस्ट्रेलियामा बसाई सराई गर्ने वातावरण प्रदान गर्नको लागि नयाँ अकुपेशन लिस्ट ल्याउने तयारि भएको हो ।
वेस्टर्न अस्ट्रेलियाका युनिभर्सिटीमा पढेका विदेशी विद्यार्थीलाई वेस्टर्न अस्ट्रेलियामा बसोवास गर्नको लागि आकर्षित गर्न सरकारले यस्तो योजना बनाएको हो । यस योजनाबाट विदेशी विद्यार्थीहरु वेस्टर्न अस्ट्रेलियामा बसोवास गर्नेछन् र राज्यको अर्थतन्त्र उकास्नको लागि सहयोग गर्नेछन् भन्नेमा राज्य सरकार विश्वस्त छ ।
यस कार्यक्रम अन्तर्गत पीएचडी, मास्टर्स र उपल्लो डिग्री हासिल गरेका विद्यार्थीलाई प्राथमिकता दिइने बताइएको छ । यसले गर्दा, ती विदेशी विद्यार्थीहरुले अस्ट्रेलियनहरुको लागि पनि रोजगारी सिर्जना गर्न सक्नेछन् भन्नेमा राज्य आशावादी छ ।
यो योजनाले विश्वभरका विदेशी विद्यार्थीहरु वेस्टर्न अस्ट्रेलियाप्रति आकर्षित हुनेछन् । जसले गर्दा, यहाँको शिक्षा क्षेत्रमा राम्रो लगानी र विकास हुनेछ । यस योजनाको लागि आवश्यक योग्यता र एप्लाई गर्ने प्रकिया http://www.migration.wa.gov.au वेबसाइटमा आगामी महिनाहरुमा प्रकाशित हुने बताइएको छ । Source : www.mediastatements.wa.gov.au
