The main intention of Ausmandu is to provide information, entertainment and inspiration. It is run by young minds and may have some lackings, your valuable suggestions are highly appreciated. Throw us an Email: [email protected]
अस्ट्रेलियामा पढ्ने अन्तर्राष्ट्रिय विद्यार्थी मध्ये आधा विद्यार्थीलाई आर्थिक तनाव
अस्ट्रेलियामा पढ्ने अन्तर्राष्ट्रिय विद्यार्थी मध्ये आधा विद्यार्थीले आर्थिक तनाव झेल्नुपरेको तथ्यांक सार्वजनिक भएको छ । युनिभर्सिटीज अस्ट्रेलियाले गरेको स्टुडेन्ट फाइनान्स सर्भेको रिपोर्टमा यस्तो तथ्याङ्क देखिएको हो ।
उक्त रिपोर्टका अनुसार, अस्ट्रेलियाका युनिभर्सिटीमा पढ्ने अन्तर्राष्ट्रिय विद्यार्थी मध्ये ४९.१ प्रतिशत विद्यार्थीले आर्थिक तनाव भोगिरहेका छन् । आर्थिक तनाव भोग्नेमा अधिकांश अन्डरग्राजुएट तहका विद्यार्थीहरु छन् । ती विद्यार्थीहरुले गाडी भाडा, घर भाडा, युनिभर्सिटीको शुल्क आदि तिर्ने पर्ने भएका कारण, ती कुरामा पैसा मिलाउँदा , खाना खानको लागि पैसाको अभाव हुने समेत बताएका छन् ।
उक्त सर्भेको लागि ६ हजार ८ सय जना अन्तर्राष्ट्रिय विद्यार्थीहरुलाई सहभागी गराइएको थियो । उनीहरु अस्ट्रेलियाको पीआर नपाएका, न्युजिल्याण्ड भन्दा बाहिरका विद्यार्थीहरु थिए । ती विद्यार्थीहरु मध्ये ५५ प्रतिशत महिला विद्यार्थी थिए, ५१ प्रतिशत विद्यार्थीको उमेर २० देखि २४ वर्ष थियो भने २२ प्रतिशत विद्यार्थी म्यानेजमेन्ट तथा कमर्स विषयका थिए ।
Source : www.studyinternational.com
