The main intention of Ausmandu is to provide information, entertainment and inspiration. It is run by young minds and may have some lackings, your valuable suggestions are highly appreciated. Throw us an Email: [email protected]
अस्ट्रेलियामा विद्यार्थी भोकै बस्नुपरेको समाचार पढेपछि यी भारतीयले सुरु गरे विद्यार्थीको लागि फ्री खाना
अस्ट्रेलियाका युनिभर्सिटिमा पढ्ने विद्यार्थीहरु भोकै बस्ने समाचार पढेपछि एक भारतीयले आर्थिक अभावको समस्यामा परेका अन्तर्राष्ट्रिय विद्यार्थीहरुलाई नि:शुल्क खाना दिन थालेका छन् ।
अनिल शर्मा एक रेस्टुरेन्ट व्यवसायी हुन् । भारतको लुधियानाका उनी सन् १९९२ मा अस्ट्रेलिया आएका थिए । इन्जिनियर भएतापनि उनी श्रीमती मन्जुसंग मिलेर होबर्टमा एक रेस्टुरेन्ट संचालन गर्छन् ।
युनिभर्सिटीका विद्यार्थी पैसाको अभावमा भोकै रहने गरेको थाहा पाएपछि उनले आफ्नो रेस्टुरेन्टमा अन्तर्राष्ट्रिय विद्यार्थीहरुको लागि नि:शुल्क खानाको व्यवस्था गरेका हुन् । नि:शुल्क खानाको लागि विद्यार्थीले आफ्नो परिचयपत्र लिएर जानुपर्नेछ । आइतबार देखि बिहिबारसम्म साँझको समयमा आर्थिक अभावको समस्यामा परेका विद्यार्थीले नि:शुल्क खाना पाउनेछन् र खाना शुद्ध शाकाहारी हुनेछ ।
उनले विद्यार्थीहरुको अवस्थाले आफू दुखी भएको र सबैजनाको लागि गर्न नसकेपनि केहीको लागि आफ्नो तर्फबाट सहयोग गर्न सक्ने सोंचेर यो कार्य सुरु गरेको बताएका छन् ।
Source : Sbs News
अस्ट्रेलियामा पैसाका कारण अधिकांश विद्यार्थी भोकै बस्ने गरेको तथ्यांक सार्वजनिक
