The main intention of Ausmandu is to provide information, entertainment and inspiration. It is run by young minds and may have some lackings, your valuable suggestions are highly appreciated. Throw us an Email: [email protected]
सिड्नी आउँदै प्रताप दास, प्रीति आले र हर्कुलस, भव्य हुँदैछ दशैं रमझम
नेपाल आइडलको पहिलो सिजनमा उत्कृष्ट तीनमा आउन सफल भएका प्रताप दास अस्ट्रेलिया आउने भएका छन् । उनी दशैं विशेष कार्यक्रमको लागि अस्ट्रेलिया आउने भएका हुन् ।
अस्ट्रेलियाको सिड्नीमा दशैं रमझम २०१८ को आयोजना हुने भएको छ । असनेप इभेन्ट्स र यस स्टडी अस्ट्रेलियाको सहकार्यमा उक्त कार्यक्रमको आयोजना भएको हो ।
डिजे नाइट, लाइभ म्युजिक सहितको उक्त कार्यक्रममा १८ वर्ष उमेर भन्दा माथीकाले मात्र प्रवेश पाउनेछन् । कार्यक्रम आगामी अक्टोबर ५ मा शार्क होटल १२७ लिभरपुल स्ट्रीटमा हुनेछ ।
दशैं रमझम कार्यक्रममा प्रताप दास संगै प्रीति आले र हर्कुलसले पनि आफ्नो धमाकेदार प्रस्तुति दिनेछन् । कार्यक्रम बेलुकाको ८ बजे देखि सुरु हुनेछ । कार्यक्रममा सहभागी हुनको लागि टिकट बुकिङ्गको लागि २५ डलर शुल्क लाग्नेछ भने कार्यक्रममै टिकट लिनेहरुका लागि ३० डलर शुल्क लाग्नेछ ।
