मेलबर्नमा यही आइतबार देखि बिएमडब्लु कप शुरु हुने, विजेता टिमलाई दुई हजार डलर पुरस्कार
मेलबर्नमा आगामी सेप्टेम्बर ९ , आइतबार देखि बिएमडब्लु कप हुनेभएको छ । बिएमडब्लु एजुकेशन कन्सल्टेन्सी, रोयल राइनोज क्रिकेट क्लब र भिक्टोरियन नेप्लिज क्रिकेट एसोसिएसनको सहकार्यमा टुर्नामेन्ट आयोजना भएको हो ।
आयोजकका अनुसार, उक्त प्रतियोगितामा रोयल राईनोज क्रिकेट क्लब, एक्सपर्ट क्रिकेट क्लब, द हिमालय क्रिकेट क्लब, सगरमाथा क्रिकेट क्लब, गोर्खाली क्रिकेट क्लब, नारे किङ्स क्रिकेट क्लब, मेलबर्न साईक्लोन क्रिकेट क्लब गरि सात क्लबको सहभागिता रहने पक्का भएको छ । विजेता टिमको लागि नगद दुई हजार डलर पुरस्कार राशी राखिएको छ ।
प्रतियोगिता हप्ताको हरेक आइतबार मात्र हुने भएकोले बिएमडब्लु कप करिब डेढ महिनासम्म चल्ने बताइएको छ । हरेक हप्ता तीन वटा खेल हुनेछन्।
